Naše mlikarice

                Davne su pasala vrimena kad su mlikarice na ramenih nosile teška brimena.
           Naše su mlikarice na glavi imele rubac. Bile su škrto obučene. Imele su jednu staru flajdu i na njoj tarves. Na nogah su in bile papuče ke su šile ženske po selih. Na leđih su nosile rusak va kon su bile late pune mlika, a va sakoj ruki bila j' lata i mići feralić. Ni se gjedalo jutro na uru, aš su znale da moraju poć zdolu. Kako su jutro rano morale poć i za dana v Riku doć, ni njin smetalo kakovo će vrime bit, glavno j' bilo brime nosit. Po kiši, buri, snigu i ledu z mokrimi nogami su hodile. Za njih ni teško bilo po strmenu i grdon putu hodit dva put na dan.Važno j' bilo jutro rano svojimi gospami mliko donest na vrata. I tako su znale i do dvajset gosp na dan obavit da bi za doma žurnadu storile i dicu svoju odgojile. Za ranih let svoju su dicu učile brime nosit kako bi se kasnije lagje mogle oženit.
                Mlikarice, bile mlade ili stare, vavik će ostat ponos našega kraja. Neki misle da jin je bilo lahko, ma ne znaju kako su to teška vrimena bila. A živet se j' moralo.

  Ime i prezime autorice:Nikol Marelja-Bošnjak
                                                                            Razred: sedmi ( 7.c )                                                                              Voditeljica: Ivana Smolčić Padjen